Bubong
Purita Monica Ann A. San Diego
Sa bubong ng bahay, nakahiga
Dinarama ang lamig ng yerong
Namaalam na sa lumubog na araw
Kaydaling nakamit ang ligaya
Sa lumipas na pangitain ng pagkabata.
Hindi gaya ngayon, diese-otso anyos
At pahiga-higa rin sa bubungan ng isip
Tuliro sa tawag ng laman
At sa ungol ng boteng namamawis.
Malalim na ang gabi’y
Nag-aapoy pa sa init,
Sa nakakabaliw na init,
Ang yerong hugis alon, may bunganga
At mangiyak-ngiyak na tinatawag
Ang aking pangalan.
No comments:
Post a Comment