Bukas Kung Hindi Man
Purita Monica Ann A San Diego
Bukas, kung wala na ako
Gusto kung uminom pa rin kayo
Ng paborito nating beer
Yung trenta pesos kada kalahating litro
Dun sa Corner Store kung saan
sa paglagok ng mapait-tamis na tubig,
Ang paslit kung isip ay namulat
Sa nakakabaliw na mundong
Isa-isa nating pinasyang pasukin
Sa pagsikat ng araw
Kung hindi man bumukas
Ang pinid kong mga mata
Bumili pa rin kayo
Ng pula at puting yosi
At isa-isang sindihan at hithitin ang usok
Na para bang ang paghigop nito
Ang makapapahupa sa tulirong bagyo
Na dala ng kabataan.
Kahit hindi.
No comments:
Post a Comment