Patas
Rey Salem
Sa tunga sang gab-i nagluntad kamingaw
Sang imo panumduman may paghanduraw
Daw gindis-ug sa kbo sang pagkatalaw
Pagsukmat sa tiayon may pagpalapaw.
Huyog manunudlo, semana gintakpan
Bangod mga kaupod may ginkaibugan
Paglangoy sa mahjong sia nagin hangkilan
Gindingot sa imo tion kag puloy-an.
Sa trono may pagsal-i sang ikasarang
kag sa ligad daw imahen ginpahamtang
Ang lanog sang pasipala ginpaaman
Saksi ang hulot liwat ang nagpatuyang.
Bagod sampat ang damil sang dumuluaw
Ginpaambit karimis nga nagalabaw
Sa dagway sang paghilway nangibabaw
Daw landong sa kada sabak ginpaumpaw
Pagdumot kag pagtimalos ginpaiway
Kag napagkit nga sabat sang pagbulagay.
No comments:
Post a Comment